Archive for Marzo 2010

Velaí unha nova sobre a oferta de area por parte de Portos

Marzo 18, 2010

Na Opinión de hoxe aparecía esta nova sobre unha proposta feita por Portos.

Nós, pola nosa banda, sostemos que a propia idea de ampliación da praia é innecesaria e inxustificada e asumimos o posicionamento de moitas outras organizacións ecoloxistas contra este tipo de prácticas.

Protesta na Demarcación de Costas

Marzo 17, 2010

A xente de Defendendo as praias entendemos que o proxecto inicial das obras de recheo das praias da Coruña non da explicacións nin da necesidade das mesmas, nin da funcionalidade desa proposta. Pensamos que estas obras son arbitrarias e que van causar un gran dano medioambiental e paisaxístico á costa da cidade. Tememos que as condicións de baño van empeorar de varias formas e que, no canto de emprender unha obra verdadeiramente necesaria -como sería a limpeza da ría-, este recheo é un xeito inútil de gastar 8.5 millóns de euros.

Aínda que levamos semanas a reclamar publicamente que se xustifiquen as obras, as declaracións dos principais responsables desta actuación non explican as verdadeiras razóns e motivos, nin garanten as súas consecuencias. Desta forma están a incumprir a súa obriga de fomentar, favorecer e reforzar a participación cidadá en cuestións medioambientais.

Cando fomos preguntar, na concellería de Medio Ambiente non tiñan ningún informe medioambiental nin coñecían a existencia de ningún convenio co Ministerio de Medio Ambiente. Cando fomos á Demarcación de Costas non dispuñan no expediente nin do proxecto de obra, nin das modificacións dese proxecto, nin de informes medioambientais (cando nos consta que alomenos a Consellería do Mar emitiu un informe ao respecto), nin de informes previos ao proxecto inicial. Non dispuñan de ningún destes documentos, aínda que se trata do departamento que está a promover as obras.

Por iso decidimos ir ata as oficinas da Demarcación de Costas (no cruce da avenida de Finisterre coa rúa San Pedro de Mezonzo) o xoves 18 de marzo, ás 11 da mañá para protestar contra esta actuación arbitraria e para reclamar respostas ás razóns que estamos a plantexar.

As obras prosiguen, nós tamén.

Marzo 16, 2010

Esta é a ligazón á unha das novas sobre o desenvolvemento das obras nos xornais de hoxe e esta outra na que se fai referencia a un estudio encargado por Unión Coruñesa a un xeólogo da universidade da Coruña

Imaxes da protesta do venres 12

Marzo 15, 2010


E velaí podes ver o vídeo da protesta.

Para quen queira ir entonando a voz para as protestas que veñen, aí van as estrofas que argallamos. Admítense modificacións e engadidos!

Tsunami social

Marzo 15, 2010

O venres seguimos coas nosas protestas, cos noso berros e cos nosos cantos.  Informamos a moita xente que non sabía nada do asunto e recollemos unha morea de sinaturas. En breve subiremos algunhas fotos e algún vídeo.

Como non estamos dispost@s a aceptar o silencio das administracións ou as súas declaracións vacías,  imos continuar coas nosas protestas. Este martes 16, ás 21.00 horas reunirémonos na parte de arriba do café Macondo (na rúa San Andrés).

Aínda ten máis sentido a protesta desta tarde, ás 19.00 horas no Obelisco, agora que están a meter as máquinas sen dar explicacións das obras

Marzo 12, 2010

En paralelo á convocatoria do venres…

Marzo 9, 2010

En paralelo á convocatoria do venres estamos a difundir información sobre o que consideramos unha actuación non xustificada. Se queres podes imprimir e difundir este texto.

Tamén decidimos comezar a recoller sinaturas contra os recheos. Tamén podes descargar e imprimir esta folla.

Tamén sodes libres de descargar, imprimir e colar polo mundo adiante o cartel da concentración deste venres.

Non nos chegan as boas palabras

Marzo 7, 2010

Nestes días Dragados pechou a praia do Orzán para comezar os prolegómenos das obras. En varios xornais apareceron longas noticias sobre o asunto e mesmo fotos do responsable de Costas e da concelleira de Medio Ambiente gracilmente acobadados no paseo marítimo.

Pero a información que se nos transmitiu non nos chega.

Para comezar, parécenos importante falar do xeito como se están a preparar e como se está a informar do desenvolvemento das obras. Segundo a prensa, nin tan siquera o Concello fora informado cando a empresa constructora pechou a praia do Orzán. Porque esta é a praia por onde pretenden comezar, aínda que hai un par de semanas, a prensa informaba de que a primeira praia afectada ía ser Riazor. Nada estraña, unha vez que que hai un mes as obras ía durar 14 meses e en cousa de 10 días descubriron un método revolucionario de transportar os áridos que ía facer todo máis sinxelo e, dese xeito, ter os areais abertos para o comezo do verán (no caso de riazor, orzán e matadero, porque san amaro xa vai quedar para despois do verán). E todos estes cambios de plantexamento, este acurtamento do proceso, non vai modificar o custo da operación que vai seguir sendo de 8.5 millóns de euros, segundo os xornais. Esas son as milagres da economía.

Non nos basta a información porque nós o que estamos a reclamar é que se nos dean as razóns que fundamenten unha obra faraónica como esta e, polo momento, non recibimos respostas ás esixencias, aínda que o señor Eimil estivo a falar estes días cos periodistas.

Na entrevista o señor Eimil fala de varias cousas que quereríamos precisar:

O recheo do ano 1988 non se podería ter feito hoxe en día porque a normativa vixente sobre granulometría impide que a area aportada sexa distinta da orixinal da praia. Agora, os cálculos de granulometría están feitos baseados na area de canteira que xa trouxeran no ano 1988 e, polo tanto, se está a causar de novo o mesmo dano ilexítimo.
“la de ahora está lavada y cribada. más fina de la que está actualmente”. Pois, a verdade, pode que estea lavada, dúas, tres ou  vinte veces, pode que sexa cousa da lavadora, pero as pedriñas que vimos no Centenario, son máis grandes cá area que hai agora nas praias e deixaba a man brillante de mica e toda cuberta de pó. Facemos invitación pública ao señor Eimil e a todo aquel que lle interese para que vaian comprobalo no peirao do Centenario (incluso, para aqueles que teñan problemas de mobilidade, ofrecémonos a enviar unha mostra por correo postal).

Fala de seguridade e parécenos interesante a primeira parte da súa afirmación:”sería una responsabilidad grave no prever que el paseo se defienda de una forma medioambientalmente positiva”, pero lamentantablemente o fastidia cando chega á explicación do que el entende por iso: “es decir, echándole más arena a la playa”.
Antes de nada, cómpre que recoñeza que a forza que colle o mar vén causada polo tipo de area que se aportou no ano 88, que é unha consecuencia das obras de recheo nas que participou naquel tempo. Así o indica o proxecto.
Para seguir, vai contra o sentido común causar esta desfeita para protexer unha barandilla do paseo marítimo, no canto de buscar outro tipo de solucións máis interesantes ecolóxica,económica e paisaxisticamente.
E a afirmación primeira contradícese coa súa afirmación: “la biodiversidad existente surgió en el arenal en el relleno del 89”. Co que está a indicar que antes non había, ou de xeito implícito, está a confirmar o que tantos ecoloxistas veñen a denunciar desde hai tempo: que os recheos causan daños irreparables á biodiversidade. Por sorte, a vida puxa sempre por saír adiante. O que tememos é que se perda a biodiversidade recuperada nestes vinte anos porque así o quere unha arbitrariedade “medioambiental”.
Por último, falar de seguridade e non analizar pormenorizadamente como van afectar as obras ás correntes, cando hai moitos cidadáns que se bañan nas praias durante todo o ano si que pode ser considerado unha irresponsabilidade.

O señor Eimil di que o mar non se vai levar a area e iso, no mellor dos casos, só é unha verdade a medias. O propio proxecto fala de incorparar  50 e ata 75 metros de area nas partes das praias onde a dinámica litoral é máis forte, porque se asume que o mar vai levar boa parte dela. Así que boa parte do caolín si que o vai arrastar o mar e probablemente máis aínda cando cheguen as mareas vivas. E daquela, con toda esa area en suspensión, teremos baños de augas brancas- que non paradisíacas. Suban ou non suban este verán a bandeira azul ao alto do mastro, dubidamos da idoneidade da auga con esa area en suspensión.

Desde Defendendo as praias consideramos que NON É NECESARIA ESTA OBRA e que AS RAZÓNS QUE SE ESTÁN A ADUCIR NON XUSTIFAN ESTE DANO AO MEDIOAMBIENTE E Á PAISAXE, ESTA LIMITACIÓN AO USO DOS AREAIS, ESTA MODIFICICACIÓN DAS CONDICIÓNS DO BAÑO E ESTE GASTO ABSURDO. Vimos de denunciar estas obras ante as distintas administracións competentes e asimismo presentamos alegacións ao PXOM da cidade. Reclamamos a paralización das obras, que se fagan públicos os informes medioambientais relativos a este recheo e que se considere o abandono deste proxecto.

Por iso seguiremos a saír ás rúas a protestar contra esta arbitrariedade. Este venres, 12 de marzo, reunirémonos no Obelisco ás 19.00 horas.

As boas palabras non nos chegan.

Nova reunión para seguir traballando en defensa das praias

Marzo 6, 2010

Decidimos reunirnos de novo na primeira planta do café Macondo (na rúa San Andrés), o domingo 7 a partires das 19.00 horas.

Textos presentados o xoves 4

Marzo 5, 2010

Velaí vai  o escrito remitido á Ministra de Medio Ambiente.

O escrito remitido ao Conselleiro de Medio Ambiente

O escrito enviado á Conselleira do Mar.

O escrito enviado á Concellería de Medio Ambiente.