Ciber-protesta

Se o venres pasado reunímonos unhas 50 persoas no Obelisco e recollemos preto de 200 firmas de apoio nas dúas horas que durou a protesta, agora decidimos usar a ciberprotesta como ferramenta de expresión do noso descontento. Ao pinchar a ligazónDefend-e as praias que tes na columna da dereita atoparás o formulario para protestarlle directamente a Dragados e ás administracións implicadas.

Despois do temporal, retomaron os traballos

Esta é a nova que apareceu no xornal.

O mar non quere o recheo.

Esta é a nova que no día de hoxe saiu publicada no Ideal Gallego:

El mal tiempo obliga a interrumpir el relleno de la playa del Orzán cuatro días después de su inicio

P. G. L. > A CORUÑA

El fuerte oleaje no permitió trabajar en el arenal y las máquinas estuvieron paradas todo el día pedro puig

Cuatro días después de que se iniciase el relleno de la playa del Orzán, el mal tiempo obligó ayer a paralizar temporalmente los trabajos para el aporte de áridos a través de la draga submarina situada a unos 500 metros de la costa. Según aclaró el jefe de Demarcación de Costas en Galicia, Rafael Eimil, la obra se volverá a reactivar una vez “amaine el temporal”, para continuar después con las maniobras de bombeo de caolín durante toda la Semana Santa.

El plazo previsto por el Ministerio de Medio Ambiente para concluir la ampliación de Riazor, Orzán y el Matadero es de tres meses, para que puedan estar listas en San Juan. Eimil asegura que la posibilidad de que los trabajos se vean interrumpidos por fenómenos meteorológicos adversos como el de ayer “está contemplado en el proyecto definitivo de la obra”. Además, explica que el fuerte oleaje no afectará a los aportes de arena que se depositaron durante los últimos días en la orilla.

Resposta desde a Área de Medio Ambiente do Concello da Coruña a unha cidadá e contrarresposta

> From: ayto@aytolacoruna.es
> To: —————@hotmail.com
> Subject: 010-Ayto
> Date: Wed, 24 Mar 2010 13:10:31 +0100
>
> En relación con su Petición de Información sobre la aportación de arena en las playas, desde esta Concejalía de Medio Ambiente le informo que, la importancia del relleno de la playa se basa en dos puntos importantes:
> 1) Es un sistema de prevención de riesgos, ante los posibles temporales que se puedan dar en la zona ( como ya sucedió en años pasados). Prevenir que el mar pueda llegar al Paseo Marítimo, como otras veces y de esta manera salvaguardar a los ciudadanos y tráfico de la zona.
> 2) Reposición de arena, por la pérdida habida en estos últimos años por acción del mar. Según estudios del Ministerio de Medio Ambiente se estima en un 20% la pérdida de superficie de arenales en toda España.
> Dentro de este apartado, decir que se incrementaría la superficie del arenal en un 40% aproximadamente mejorando el confort de los ciudadanos, permitiendo su uso también en invierno, como zona de aparcamiento y deportiva.
> Por último, decirle que el relleno de la playa llevaría consigo una disminución del talud actual que se da en la zona intermareal produciendo como efecto una mayor seguridad del bañista.
> Agradezco su colaboración, un saludo,
>
> Nieves Vázquez Novo
> Teniente de Alcalde. Responsable del Área de
> Medio Ambiente, Sostenibilidad y Movilidad.
>

No día de onte unha cidadá recibiu este mensaxe procedente da Teniente de Alcalde, Nieves Vázquez como resposta a unha consulta súa sobre as razóns que motivaron as obras de recheo. Trátase dun texto que merece certas consideracións.

En primeiro lugar, a responsable da área de medio ambiente fala de que se trata dun sistema de prevención de riscos contra os temporais e que a obra vai da unha maior seguridade aos bañistas. Se estas declaracións se basean nalgún estudio, sería interesante que o fixese público, xa que cando nos achegamos ata as oficinas desa área do Concello nos dixeron que non tiñan ningún tipo de documentación. Tamén lle remitimos hai máis de 20 días unha petición de información e de intervención que en ningún momento respostou. Daquela, agradeceríamos se puidesen publicar unha versión dixital deses documentos nos que se basea na web do Concello, de modo que estea a disposición de tod@s @s coruñeses.

Polo momento, nós seguimos a plantexar as mesmas dúbidas, porque non aceptamos o que se está a facer: que Concello e Ministerio de Medio Ambiente dean por incuestionables algunhas afirmacións que despois non se basean en estudios que estean incluidos no expediente da obra. De verdade que a señora Vázquez Novo está en condicións de dicir que haberá máis seguridade para os bañistas? Non haberá cambio de correntes, nin en inverno nin en verán? Pode confirma-lo baseándose nalgún estudio? Ao achegar a liña de costa aos baixos rochosos de Riazor, non perderemos esa forma de protección natural e non resultará máis molesto para os usuarios que queiran nadar sen afastarse da beiramar?

Por que o mar non tirou nunca coa barandilla metálica da Coraza por moito que bata alí o mar e por moito tempo que leve? Nós non estamos a pedir que desde o Concello se faga unha declaración ao respecto dos fallos de construcción do paseo marítimo, senón que o Concello non plantexe problemas falsos e que busque solucións que sexan mediambientalmente válidas. O recheo non o é.

A segunda razón que expón Nieves Vázquez para xustificar os recheos tamén carece de fundamento. Desta volta o propio proxecto inicial, así como unhas declaracións do xefe da Demarcación de Costas de Galicia, Rafael Eimil deixan claro que non existe perda de area nas praias coruñesas.
A referencia á perda de area ao longo de toda España é unha referencia que carece de interese cando o que estamos é a tratar a situación das nosas praias.

Outro elemento que resulta curioso no texto é que a Teniente Alcalde reinventa o “uso da praia de inverno”. Durante anos e anos somos moit@s os que estamos a disfrutar da praia ao longo das catro estacións: surfistas, nadadores, paseantes, donos de cans, turistas….centos de coruñeses como para que se esquezan da nosa existencia.
Pero sobre todo intriga unha pregunta: Que quere dicir cando fala de “ZONA DE APARCAMIENTO”?

Non cansamos de denunciar o silencio, as falsas razóns e as malas respostas cos que desde as institucións intentan calar as nosas críticas. Por iso, cada vez ten máis sentido a protesta de mañá venres 26 de marzo, ás 19.00 horas no Obelisco.

O venres 26 de marzo, ás 19:00 horas, protesta no Obelisco

Desde o colectivo Defendendo as Praias seguimos a denunciar as obras de recheo das praias que, de xeito escuro e autoritario, levan adiante o Ministerio de Medio Ambiente e Dragados, coa aprobación do Concello e o silencio da Xunta.

Desde hai máis de dous meses estamos a reclamar as razóns reais destas obras, os estudios que as xustifiquen e os informes que preceptivamente se deberían ter feito para que todos- administración e cidadanía- poidamos participar activamente na toma de decisións que afectan de xeito fundamental á nosa cidade e ao noso medio ambiente. O silencio foi a única resposta que tivemos aínda que presentamos escritos seguindo os cauces legais, aínda que pedimos reunións co xefe da Demarcación de Costas, señor Rafael Eimil, aínda que reclamamos a todas as autoridades competentes a colaboración que, dacordo coa lei, teñen que nos dar.

Así que con desprezo ás nosas dúbidas, ás nosas razóns, á nosa oposición esta semana se puxeron coa súa obra, deles, que non nosa, coa súa obra arbitraria. Cuns modos que só se poden describir como autoritarios comezaron a verquer a area de canteira e tinguiron boa parte da ensenada de branco. E daquela nós tivemos que baixar ata a praia para pedir os estudios preliminares que xustifiquen esta actuación (dado que o proxecto inicial non o fai), o proxecto de obra, os estudios de bioloxía mariña, os estudios das consecuencias para as correntes e para a seguridade do baño.

E tivemos que baixar para solicitar o que parece máis razoable: que se paralicen as obras namentras toda a información non se aporta e non se aclaran todas as dúbidas sobre como vai quedar a costa se proseguen as obras.

 E por todo isto, convocamos unha nova protesta no Obelisco para o vindeiro venres, 26 de marzo, ás 19.00 horas.

Hoxe mércores 24 proseguiron as obras de recheo

  E con só un día de traballo o mar xa se tinguiu de branco preto de 200metros ata facer do Orzán unha praia do trópico.
Nin Demarcación de Costas nin Dragados dan razóns das obras, nin do xeito de facelas. Nós baixamos á praia- non hai ningún cartel anunciador da obra que, como corresponde, publicite a legalidade da obra- e tentamos falar co xefe de obra. Por suposto, non estaba. No canto del, despois dun rato chegou un home con traxe de Dragados,  hábil na xestión dos problemas e no manexo do paraugas -como demostrou ao levantarllo no aire a un periodista- e máis tarde un grupo de policias locais que non axudaron nada a aclarar a información medioambiental deste proxecto.

Seguimos a protestar a carón das praias e seguimos pensando que non é tempo perdido, senón que hai que continuar a manifestar a nosa disconformidade con esta visión do medio ambiente e do xeito de xestionar o que é de tod@s.

E comezaron, coa supervisión do xefe de Costas, o señor Eimil

No día de onte xa comezaron coas obras, sen dar contestación ás nosas reclamacións de información e de cumprimento da legalidade. O mesmo señor Eimil, o xefe da Demarcación de Costas, andou a supervisar o recheo no canto de quedar na oficina a respostar aos nosos escritos. Cando llo recriminamos, negou ter recibido ningún documento, non deu ningún tipo de razóns e liscou para o seu coche.

Vari@s de nós falamos cos obreiros que detivesen as obras porque son ilegais e durante preto de dúas horas, o tempo en que estivemos alí, non fixeron nada, pero pola noite comprobamos que voltaran a traballar (á unha da mañá estaban a remexer a area coa excavadora).

No día de hoxe presentamos unha denuncia contra a ilegalidade desta actuación e continuaremos a esixir a paralización destas obras.

Para o vindeiro venres, 26 de marzo convocamos a unha protesta no Obelisco ás 19.00 horas,  porque estas obras hai que detelas.

Dragados pretende comezar hoxe cos recheos

A nova do xornal é que hoxe pretenden mover os tubos e que poderían comezar cos recheos esta tarde.

Pasarrúas,recollidas de firmas e declaracións sorprendentes

O mesmo venres no que presentamos un novo escrito na Demarcación de Costas, o xefe da Demarcación de Costas en Galicia, Rafael Eimil contestaba ás críticas sobre a inutilidade deste aporte de area nun xornal. Fixámonos nunha parte do artigo que lle publicaron: “…Por otro lado, el jefe de la Demarcación de Costas aclaró ayer que no da validez a las opiniones que señalan que la acción de las mareas engullirá el aporte de arena que se realizará esta primavera y que no durará en las playas de Orzán y Riazor más de un lustro. En este sentido, Rafael Eimil recordó que antiguamente la playa del Orzán, con la marea alta, no tenía arena, y que con el relleno que se hizo hace ya 22 años la situación es bien distinta. «Después de todos estos años, la arena sigue allí» y, según señaló, los usuarios tienen espacio de sobra todos los veranos para extender las toallas.” Parece que o señor Eimil está dacordo con nós cando dicimos que non é preciso aumentar a dimensión da praia porque xa hai espacio dabondo. Parece que comparte o que vimos dicindo desde hai tempo: que esa non é unha razón válida para xustificar as obras. E daquela, señor Eimil, para que se fan?

Así que confortados p0r ter xente tan responsable a cargo do medio ambiente na nosa comunidade, durante a fin de semana continuamos a protestar na rúa contra estas obras de recheo e contra este xeito de facer sen explicar nada. Desta vez estivemos a informar, berrar e cantar no paseo marítimo – o sábado cun pequeno pasarrúas e o domingo cunha recollida de sinaturas – e algúns de nós tamén nos sumamos a manifestación de Galiza Non se Vende que onte percorreu as rúas de Santiago.

O alcalde, señor Losada, di que todos sairemos gañando coas obras. Non fala máis nin di máis nada porque dese xeito non se compromete, aínda que lle tocaría falar moito máis e explicar a fondo o proxecto e porque o mandan para diante desde o Concello. Nós e a xente que asinou a nosa petición de paralización das obras esiximos moito máis.

Protesta na Demarcación de Costas

E vari@s de nós fomos esta mañá ata a Demarcación de Costas, distribuimos algo de información aos viandantes e de novo reclamamos que nos dean toda a información para poder analizar en profundidade o proxecto e poder fundar mellor as nosas críticas.

Aínda non se cometeu ningún dano grave ás nosas praias, porque todavía non se botou a area de canteira. Aínda é tempo de que rectifiquen unha decisión errónea como a que se plantexa. Xusto porque as máquinas están xa a mover area na praia do Orzán, cómpre que o señor Eimil, Jefe da Demarcación de Costas en Galicia, e resto dos responsables implicados dean respostas reais ás críticas reais que os cidadáns facemos, cómpre que informen exhaustivamente sobre o proxecto e cómpre que tomen a decisión de paralizar as obras para que haxa verdadeira participación cidadá nesta decisión.